Жаңа жыл келді

Жыл келеді,
Жарқын бір жыл келеді.
Жыл келеді,
Жарықтық нұр береді.
Сыр береді,
Жасампаз жыр береді.
Көркейеді, дүние гүлденеді.

Кел, кел, Жылым,
Кел, Жылым – кереметтім.
Сағындым мен өзіңді керек еттім.
Керегі не мұндайда көне кептің,
Жақсылықтар әкеліп бере кеткін.

Кел, кел, Жылым.
Кел, Жылым – арайлы ару.
Алаңдадым, жолыңа қарайладым.
Сан арманым, бар менің сан ойларым.
Осыларды іске асыр, жарай ма, Жыл?!

Кел, кел, Жылым,
Кел Жылым – келісті жыл.
Адамдарды бақытты ет тегіс бүгін.
Жырға айналып шырқалсын келісті үнім,
Көрмейік біз өмірдің кемістігін.

Кел, кел, Жылым,
Кел Жылым – дара жылым.
Жаңа жылым, жарықтық жаңа күнім.
Көптен бері естілмей барады үнім.
Шарықтасын тағы да жаңа жырым.

Кел, кел, Жылым,
Кел, Жылым – кел ырысым.
Көптің күткен үміті, сенімісің.
Береке, бақ ала кел менің үшін,
Бейбіт жыл боп келе бер елім үшін!